Bókhald

Jæja, þá er ég búin að gera upp mánuðinn...og úff, það er sko hægt að gera betur. Nóvember verður því sannkallaður nirfilsmánuður og neyslugræðginni haldið niðri. Ég er spennt að sjá hvað er lágmarkið sem við fjölskyldan þurfum til að lifa af hérna í Danmörku. Markmiðið er sem sagt að eyða eingöngu í nauðsynjar. Nauðsynjar verða skilgreindar sem skjól, grunnfæði til að lifa af(samt mest lífrænt þó það sé dýrara), lyf (ef þarf), og útgjöld sem ekki er hægt að komast hjá, eins og pappír fyrir skólann o.s.fr. (ég ætla síðan að reyna að komast hjá því að túlka síðasta flokkinn of vítt!).

Ég fæ því ekki að taka strætó í skólann og þarf því að fara í það í dag að gera við hjólið hans Páls, enda löngu orðið tímabært.

Svo er það bara pastagerð, vínframleiðsla (Páll er úti að týna berin), brauð- og kökubakstur o.s.fr. Mig langar að panta mér ostagerðasett (fyrir harðan ost) á netinu en ætla að bíða með það, það hlýtur að vera hægt að fá þennan renni einhvers staðar hérna í kring, og redda sér síðan áhöldunum ódýrt.